Psa 85 | VulgJ | STEP | oratio ipsi David inclina Domine aurem tuam et exaudi me quoniam inops et pauper sum ego oratio David inclina Domine aurem tuam exaudi me quia egenus et pauper ego sum

Psalms 85

1 oratio ipsi David inclina Domine aurem tuam et exaudi me quoniam inops et pauper sum ego ^va 2 custodi animam meam quoniam sanctus sum salvum fac servum tuum Deus meus sperantem in te ^va 3 miserere mei Domine quoniam ad te clamabo tota die ^va 4 laetifica animam servi tui quoniam ad te Domine animam meam levavi ^va 5 quoniam tu Domine suavis et mitis et multae misericordiae omnibus invocantibus te ^va 6 auribus percipe Domine orationem meam et intende voci orationis meae ^va 7 in die tribulationis meae clamavi ad te quia exaudisti me ^va 8 non est similis tui in diis Domine et non est secundum opera tua ^va 9 omnes gentes quascumque fecisti venient et adorabunt coram te Domine et glorificabunt nomen tuum ^va 10 quoniam magnus es tu et faciens mirabilia tu es Deus solus ^va 11 deduc me Domine in via tua et ingrediar in veritate tua laetetur cor meum ut timeat nomen tuum ^va 12 confitebor tibi Domine Deus meus in toto corde meo et glorificabo nomen tuum in aeternum ^va 13 quia misericordia tua magna est super me et eruisti animam meam ex inferno inferiori ^va 14 Deus iniqui insurrexerunt super me et synagoga potentium quaesierunt animam meam et non proposuerunt te in conspectu suo ^va 15 et tu Domine Deus miserator et misericors patiens et multae misericordiae et verax ^va 16 respice in me et miserere mei da imperium tuum puero tuo et salvum fac filium ancillae tuae ^va 17 fac mecum signum in bono et videant qui oderunt me et confundantur quoniam tu Domine adiuvasti me et consolatus es me

^va